Қазақстан Республикасы мемлекеттік рәміздерінің күні

Тәуелсіз Қазақстанның мемлекеттік рәміздері тәуелсіздік алғаннан кейін 1992 жылы 4 маусымда бекітілді. Елтаңба, Ту, Әнұран – кез келген мемлекеттің болмысы мен егемендігін бейнелейтін міндетті атрибуттары және бұл күн тарихымызда және халықтың жадында мәңгі сақталады.
Мемлекеттік рәміздер – ұлттық байлығымыз, ел тарихына, мемлекеттік тілге, мәдениет пен салт-дәстүрге деген терең құрметтің қайнар көзі. Отан тағдырындағы ең маңызды сәттерде бізді біріктіредін де мемлекеттік рәміздер. Дүние жүзіндегі бізді айқындайтын да Ту мен Елтаңба. Ресми халықаралық іс-шараларда Отанымыздың Әнұраны шырқалғанда немесе көк Туымыз көтерілгенде әрбір қазақстандық мақтаныш пен патриоттық сезімді сезінеді.
Мемлекеттік рәміздер – Мемлекет басшының жүргізіп отырған саясатты негізге алатын құндылықтарды бейнелейді. Бұл – ашықтық, бейбітшілік, еркіндік, тәуелсіздік, келісім.
Ортасында шаңырақ бейнеленген алтын күн, қалықтаған қыран сұлбасы мен Елтаңба бейнеленген көк байрақ еліміздің барша азаматтарына ортақ шаңырақтың нышаны ретінде әлемге жаңа тәуелсіз мемлекет – Қазақстан Республикасын паш етті.
Құрметті қазақстандықтар! Осы мерекелік күні Алматы қаласы Заң колледжі баршаңызға амандық, бақыт, бейбітшілік пен жақсылық тілейміз! Отанымыз – Қазақстан Республикасы гүлденіп, еліміздің Мемлекеттік Туы биікте желбірей берсін! Еліміз Жаңа Қазақстанды құру жолында жаңа жеңістерге жететініне сенімдіміз!