Алматы қаласы Заң колледжінде “Қош келдің, студент!» атты 1 курс студенттерін студент қатарына қабылдау шарасы өткізілді. Бұл шараны тек бірінші курс студенттері ғана емес, жоғары курс студенттері де асыға күтеді. Биылғы оқу жылында ұйымшыл студенттік ұжым қатары 189 студентке толықты. Тәрбие ісі жөніндегі орынбасары Аркенова Ж.А. мен жастар ісі жөніндегі комитетінің белсенділері алдын-ала дайындалып, сценарийлер жазады, дайындықтар жүргізеді. Бұл күн жақындаған сайын 1 курс студенттерінде көбірек толқу сезіледі. Әрине, әрбір топтың ұжымдық рухы оның алғашқы қадамдары арқылы қаланады. Айта кететіні, жалпы колледждегі шығармашылық сезім оларды алғашқы білім алған кезінде баурап алады. Сондықтан студенттер қатарына қабылдау күні – бұл жай ғана іс-шара емес, бұл колледждегі әрбір студенттің көпжылдық шығармашылық имиджін құру күні. Студенттер қатарына қабылдау – әр білім алушының өміріндегі маңызды және қызықты сәттерінің бірі, жайдары, жарқын эмоциялар мен ұмытылмас әсерлерге толы күн. Бұл – жаңа, ересек өмірге жақсы бастама, өмірде өшпес із қалдыратын студенттердің бастамасына алғашқы қадам. Мерекенің соңында студенттерден ант қабылдап, студенттік билет табысталды. Тек осы салтанатты рәсімнен кейін ғана әрбір бірінші курс студенті "Мен Алматы қаласы Заң колледжінің студентімін!" -деп толыққанды айта алады.